Á stöðvavinnu í nóvember vorum við að endurvinna og búa til pappír úr afgöngum. Nemendur lærðu grunntækni í pappírsgerð: rífa niður gömul blöð, bleyta þau, tæta og móta þau í gjafakort.    

Þriðjudaginn 7. nóvember fengum við Aðalstein Ásberg og Svavar Knút í heimsókn. Þeir eru á ferðinni um landið í tengslum við verkefnið „Skáld í skólum“ en markmið með dagskránni er að kynna fyrir nemendum íslensk ljóðaskáld. Þeir félagar fluttu okkur æviágrip Tómasar Guðmundssonar skálds í máli, myndum og með ljóðum og söng. 

8.nóvember er helgaður baráttunni gegn einelti í samfélaginu. Við byrjuðum daginn á fræðslu um forvarnir gegn einelti, fórum yfir eineltishringinn og ræddum um það hvað hver og einn getur gert í skólasamfélaginu til þess að stuðla að betri líðan. Þennan dag unnum við samvinnuverkefni með einkunnarorð skólans: Vinátta – Gleði – Virðing. Stafir úr tré voru málaðir, þaktir myndum af nemendum og síðan hengdir upp á vegg. Allir settu handafarið sitt fyrir neðan einkunnarorðin til þess að samþykkja að þeir ætli að leggja sitt að mörkum. Handarförin voru græn þar sem við ætum að vera „græni karlinn“ á eineltishringnum, sá sem hjálpar ef hann sér að einhver óæskileg hegðun er að eiga sér stað.     

  

 

13. október sýndum við samstöðu og tókum þátt í bleika deginum sem var víða á landinu, tileinkaður baráttunni gegn krabbameini.

27. október var bangsa og náttfatadagur.