Jól í skókassa 2016

Árlega tekur Þjórsárskóli þátt í verkefninu Jól í skókassa. Það er hluti okkar í verkefninu um sjálfbærni. „Jól í skókassa“ er alþjóðlegt verkefni sem felst í því að fá börn og fullorðna til þess að gleðja börn sem búa við fátækt, sjúkdóma og erfiðleika með því að gefa þeim gjafir. Skókassarnir verða sendir til Úkraínu. Góðar umræður spunnust í kringum þessa vinnu um kærleik og hjálpsemi og einnig hvernig hægt er að endurnýta og gefa hlutum sem við erum hætt að nota nýtt líf. Skókassarnir voru sendir af stað frá skólanum föstudaginn 4. nóvember.