Árshátíð Þjórsárskóla 2019

Árshátíð Þjórsárskóla 2019

Föstudaginn 15. mars var árshátíðin okkar í Þjórsárskóla. Í ár var unnið með Jón Odd og Jón Bjarna en Halla Guðmundsdóttir skrifaði leikritið eftir bókum Guðrúnar Helgadóttur og leikstýrði.

Nemendur tóku virkan þátt í undirbúningi fyrir árshátíðina. Unnið var á stöðvum við að útbúa leikmynd, leikmuni, veggmyndir og búninga. Þá voru söngtextar og leikrit einnig æfð daglega.

Árshátíðin er skemmtilegt uppbrot á skólastarfi þar sem allir leggja sitt að mörkum og vinna saman. Við erum stolt af duglegu og hæfileikaríku nemendunum okkar sem lögðu sig fram og stóðu sig með stakri prýði.