Jólaferð2  Jólaferd 1

Þriðjudaginn 9. desember fórum við í jólaferðina okkar inn í skóg. Þegar við komum inn að skýlinu okkar, fundum við þar sofandi jólasvein sem hraut ansi hátt. Hann var hinn glaðasti með að hitta okkur og við sungum með honum og dönsuðum í kringum jólatré. Þá fórum við í leiki og þrautir og fengum okkur síðan heitt kakó og lummur sem búnar voru til á eldstæðinu í skóginum. Við enduðum á því að safna efniviði sem við ætlum að nota í skólanum og sumir fóru með foreldrum sínum að velja jólatré. 

Þjórsárskóli tekur þátt í landsleik í lestri.  Við höfum skráð öll börn skólans sem og starfsmenn til leiks.  Landsleikurinn gengur út á það að lesa daglega.  Það eru ekki skráðar bls. sem við lesum heldur verður tíminn sem fer í það að lesa skráður.  Við skráum hvaða bækur börnin eru að lesa og höldum utan um skráninguna.  Við hvetjum ykkur til að hjálpa börnunum og okkur í þessari keppni.  Allar nánari upplýsingar um landsleikinn er inn á síðunni: http://www.allirlesa.is/

Í lok október (27.-31.) ætlum við að vinna verkefni um jól í skókassa, eins og undanfarin ár. Það væri gott að fara að huga að skókössum. Ef þið eigið kassa væri gott að fá þá í skólann sem fyrst. Það gefur okkur tækifæri til þess að skreyta kassana.

Upplýsingar um verkefni er að finna á vefsíðunnar  http://www.kfum.is/category/aeskulydsstarf/skokassar/