Nú á vordögum fékk 1. bekkur hjálma að gjöf frá Lions hreyfingunni á Íslandi.

 

Dagana 22.-25. mars fór 6. og 7. bekkur í skólabúðir í Reykjaskóla í Hrútafirði. Í skólabúðunum fylgja nemendur stundatöflu eins og í hefðbundum skóla en verkefnin eru með öðru sniði og var lagt áherslu á félagsleg tengsl, fjármál og fjöruna. Að vera í jákvæða liðinu og að velja jákvæðu leiðina var haft að leiðarljósi þessa daga og kynntust krakkarnir nemendum úr öðrum skólum frá hverjum landshluta. Eftir skipulagða kennslu fengu þau frjálsan tíma þar sem alls konar afþreying var í boði. Allir fóru brosandi heim og þreyttir eftir lærdómsríka og skemmtilega ferð.

Skíðaferð sem fyrirhuguð var 16. mars hefur verið aflýst vegns veðurs.

Undirbúningur fyrir árshátíðina er á góðu róli og unnið er daglega á stöðvum þar sem verið er að æfa leikritið, búa til búninga, leikmynd og leikmuni. Á föstudaginn verður síðan árshátíðin sýnd. Það verða tvær sýningar, ein fyrir hádegi og ein eftir hádegi. Búið er að senda póst á fjölskyldur með nánari upplýsingum. 

Föstudaginn 19. mars var árshátíðin okkar í Þjórsárskóla. Í ár var unnið með þemað ævintýri, bæði eftir H.C. Andersen og eftir Höllu Guðmundsdóttir, sem skrifaði einnig handritin og leikstýrði nemendum. Árshátíðin er skemmtilegt uppbrot á skólastarfi þar sem allir leggja sitt að mörkum og vinna saman. Nemendur tóku virkan þátt í undirbúningi fyrir árshátíðina. Unnið var á stöðvum við að útbúa leikmynd, leikmuni, veggmyndir, búninga og við að æfa söngtexta og leikrit.

Nemendur sýndu tvær sýningar og við erum stolt af þessum duglegu og hæfileikaríku nemendum.

  

  

 

Nú á dögunum var undankeppni upplestrarkeppninnar haldin í skólanum. Þeir nemendur sem munu keppa fyrir hönd skólans eru: Eyþór Ingi Ingvarsson, Vésteinn Loftsson og Baldur Már Jónsson til vara. Það verður gaman að fylgjast með þessum efnilegu drengjum í stóru Upplestrarkeppninni sem haldin verður á Flúðum 14. apríl.